Hosea 11
1 a“Rĩrĩa Isiraeli aarĩ kaana-rĩ, nĩndamwendete,ngĩgĩĩta mũrũ ũcio wakwa oime bũrũri wa Misiri.
2No o ũrĩa ndaakĩragĩrĩria gwĩta Isiraeli,
noguo maakĩragĩrĩria kũnjũrĩra.
Nao makĩrutĩra Baali magongona,
na magĩcinĩra mĩhianano ũbumba.
3 bNiĩ nĩ niĩ ndaarutire andũ a Efiraimu gwĩtwara na magũrũ,
ndĩmanyiitĩte moko;
no matiigana kũmenya
atĩ nĩ niĩ ndamahonagia.
4 cNĩndamatongoragia na mĩkanda ya ũtugi wa ũmũndũ,
ngamaguucĩrĩria na mĩhĩndo ya wendo;
ngĩmaruta icooki ngingo,
na ngĩinamĩrĩra kũmahe irio.
5 d“Githĩ matigagĩcooka o kũu bũrũri wa Misiri,
o na githĩ matigaathwo nĩ Ashuri,
tondũ nĩmaregete kwĩrira, manjookerere?
6 eHiũ cia njora ikaahenũkaga matũũra-inĩ mao manene,
ikaananga mĩgĩĩko ya ihingo ciao,
na ikinyie mĩbango yao mũthia.
7Andũ akwa nĩmatuĩte itua maahuutatĩre.
O na mangĩgaakaĩra Ũrĩa-ũrĩ-Igũrũ-Mũno-rĩ,
ndakamatũgĩria o na atĩa.
8 f“Ndahota atĩa gũgũtirika, wee Efiraimu?
Ndahota atĩa gũkũrekereria, wee Isiraeli?
Ndahota atĩa gũtũma ũtuĩke ta Adima?
Ndahota atĩa gũgũtua ta Zeboimu?
Ngoro yakwa nĩĩreganĩte na ũhoro ũcio,
nacio tha ciakwa ciothe nĩciarahũkĩte.
9Ndikamũkinyĩria marakara makwa mahiũ,
o na kana hũgũkĩre Efiraimu ndĩmũniine.
Nĩgũkorwo niĩ nĩ niĩ Ngai, ndirĩ mũndũ,
Ngai Ũrĩa Mũtheru gatagatĩ-inĩ kanyu.
Ndigooka kũrĩ we ndĩ na mangʼũrĩ.
10Nĩmakarũmĩrĩra Jehova;
nake nĩakararama ta mũrũũthi.
Hĩndĩ ĩrĩa akaararama-rĩ,
ciana ciake nĩigooka ikĩinainaga ciumĩte mwena wa ithũĩro.
11 gIgooka ikĩinainaga
ta nyoni ikiuma bũrũri wa Misiri,
na ta ndutura ikiuma bũrũri wa Ashuri.
Nĩngatũma matũũre mĩciĩ-inĩ yao ene,”
ũguo nĩguo Jehova ekuuga.
Mehia ma Isiraeli
12 hEfiraimu andigiicĩirie na maheeni,nyũmba ya Isiraeli ĩkandigiicĩria na kũheenania.
Nake Juda akaremera Ngai,
o na agookĩrĩra Ũrĩa Mũtheru mwĩhokeku.
Copyright information for
KikGKY